XABIER DÍAZ
Xabier Díaz é un dos grandes músicos do panorama actual en Galicia. Cunha impecable traxectoria xunto Adufeiras de Salitre ven de presentar un novo traballo en solitario, “Levantarse e Caer”, un disco no que o artista reflexiona sobre a necesidade de cambiar o paradigma do éxito e a construción dunha sociedade individual e colectivamente máis xusta e solidaria. O proxecto discográfico, recolle 10 temas que navegan entre o son tradicional galego, a música melódica e os arrolos. O longo da semana escoitaremos algÚns dos traballos de Xabier o longo do 30 anos de traxectoria especialmente escollidos para compartir coa audiencia de RadioVoz.
