ANDRÉS PENABAD
Andrés Penabad, o acordeonista das Pontes, é esta semana o noso convidado en Voces de Ferrol. Andrés conta xa cunha longa traxectoria na música folk, un bo número de premios e recoñecementos, e ata cunha escola de acordeón que leva o seu nome. Tras dez anos no grupo pontés Muxarega, Andrés Penabad presentou en 2014 “Crossing”, o seu primeiro disco en solitario, producido por Fernando Barroso e onde colaboran músicos do nivel de Kepa Junkera, Bieito Romero ou Edelmiro Fernández. esta semana facemos un recorrido pola súa música.
